‫الرئيسية‬ ميديا وفن أول ظهور ل محمد يسري بعد إصابته بجلطة قلبية
ميديا وفن - ‫‫‫‏‫أسبوع واحد مضت‬

أول ظهور ل محمد يسري بعد إصابته بجلطة قلبية

شارك النجم الشاب محمد يسري ، فيديو له جمهوره عبر حسابه الشخصي على موقع التواصل الاجتماعي إنستجرام ،يطمئن فيه متابعي علي حالته الصحية بعد تعرضه لأزمة قلبية مفاجئة .

وقال محمد “أنا مبسوط إني بعمل الفيديو ده بالذات بعد التجربة اللي عديت بيها، والحمد لله إني قادر أطمن الناس، أنا تعرضت من أسبوع فجر يوم الأحد لوعكة صحية، حسيت بوجع شديد جدًا في صدري، وضغطي وطي جدًا وجسمي كان متلج، مكنتش أعرف ده إيه وكنت متخيل إنه حاجة وهتعدي، خاصة إن مفيش سبب إن ده يحصل”.

وتابع قائلاً:قعدت شوية في البيت لأني للأسف مش شخص ممكن يروح المستشفى طواعية، ودي طبعًا كارثة، وبعد شوية ربنا ألهمني إني لازم أتحرك، وروحت المستشفى، الناس استقبلتني على طول، وكانوا متخيلين إن الدنيا تمام لأني دخلتلهم على رجلي، لكن بعد ما بدأنا نعمل فحوصات طلع عندي جلطة في الشريان الأمامي في القلب، والجلطة دي عملت شبه انسداد كامل في الشريان، فالدم مش داخل بسهولة، فاضطريت في ساعتها إني أعمل قسطرة وأركب دعامة في القلب، واتحجزت يومين في العناية المركزة، وبعدها يومين في غرفة عادية، وخرجت الحمد لله، قدر ولطف.

وأكد محمد يسري علي أن مفيش أي ضرر دائم أو أي حاجة أتأثرت بشكل دائم، ولكنها تجربة صعبة أوي، ارجوكم متتهاونوش في الصحة، لأن الحقيقة إن الدكاترة كلهم قالوا إن مكنش ينفع أتأخر أكتر من كدة

وأوضح أنه يخضع الآن لفترة نقاهة، قائلا: “أنا مكنتش عايز أقول إني في المستشفى لأني مكنتش عايز أقلق حد، أنا الحمد لله في بيتي وفي فترة نقاهة لمدة أسبوع، وهرجع تاني لشغلي وفي حاجات هعلن عنها قريب يارب تكمل على خير، حقيقي ربنا قدر ولطف، دائمًا في كل ابتلاء رحمة، لما طلعت من العناية المركزة وبدأت أجمع، كمية الناس اللي سألت وحابة تطمن عليا الحمد لله، وألف شكر وربنا يخليكم ليا.

وفي نهاية حديثه توجه بشكر الي نقابة المهن التمثيلية قائلا:”كل الزملاء والأصدقاء، ونقابة المهن التمثيلية، والنقيب دكتور أشرف زكي، ألف شكر، مسابنيش ثانية، والفنان عزوز عادل حبيبي، ربنا يخليكم ليا وألف شكر.

اترك تعليقاً

لن يتم نشر عنوان بريدك الإلكتروني.

‫شاهد أيضًا‬

رد نقيب المهن التمثيلية علي صور محمد رمضان مع الفتاة الإسرائيلية

تعرض النجم محمد رمضان لأ زمة جديدة بعد نشر صور له مع فتاة إسرائيلية ، بعد أحياه حفل غنائي …