قاتلين مبسوطين …
مبسوطين جداً و مرتاحين اما تكونو قاتلين بالعمد و سفاحين .. بتوصلو لمرحلة صعبه انكم بتحسو برضا و اشباع نفسي اما تشوفو ال حواليكم مكسورين و مُحبطين ..
*كل ده ليه ؟!! *
عشان نفسك ال عنده يبقى عندك و لا عشان عاوز تشوف كل ال حواليك زيك كسلانين او فاشلين و مش ناجحين ، او ممكن تكونو عاوزين تبقو زيهم بس للاسف مش عارفين ..
*الكلام ده مش هيفيد في حاجة ليكم و لا على فكره هيرضيكم .
*مش هيعمل غير انك هتدمر و تقضي على حياة ناس للاسف في منهم كانو واثقين فيكم ..
<< استنى هنا لحظة >>
و اسأل نفسك السؤال ده ؟؟
ليه بتقللو من شأن اصحابكم و اخواتكم او اي شخص تعرفوه او متعرفوش بعاد عنكم او قريبين منكم ..؟ !
*ركز شوية … *
هتلاقي نفسك ماشي تنتقد و تقول كلام .
صعب حد يسمعه و هيكون رد فعله عليك ( تمام ) .
بابتسامه من غير اي ملامة و نظرة عين بالحزن مليانة .
للاسف استحملت شيء بالنسبة ليها كان كله وجع و اهانه .
بيحاول يداري احساسه ال جواه بسبب كلمه و نقد هَدّام من واحد زيك جبان .
و ده اللي بيحصل للناس ال بتسمعك *
- يا اما بتعافر و هي بتتقطع من جواها انها مكملة و بس عشان تثبت لنفسها و ليك انها قد اي شيء رغم انها تعبانه و مش قادره تكمل و الشيء ال بتعمله ده فعلاً مكنش مناسب ليها . بس كل ما تفتكر الكلام اللي اتقال عليها .، بتكمل عشان تتحدى الوجع اللي جواها وقت م اتقال فيها : (( انتي مين ، مش بتعرفي ، ملكيش مكان ، و اللي بتعمليه ده في الاخر هيكون اي كلام ))..
ده الكلام اللي انت بتقوله و غيرك بيسمعه و للاسف انت مش مدرك قد اي بيدمره و بيوجعه.. - او للاسف الاحباط و اليأس بيتملك من الانسان اما يسمع أسوأ و اصعب كلام ، و ده ال بيحصل في الاغلب .و بسبب كلمة تتبدل الاحوال من خطوة للامام الي انه هيفقد الشغف لاي شيء كان عنده فيه احلام .
**الناسً ال بتتكلم كلام بيسيء و بتشبع نفسها بشيء فعلاً غريب ..
دلوقتي بعد م عرفنا المشكلة للناقد الهدّام ..
و مُتلقي النقد ال تعبان ..
ضروري نعرف الحل ببساطة و نشتغل عليه فعلياً مش مجرد كلام .
و عن أنس بن مالك رضي الله عنه، عن النبي صلى الله عليه وسلم قال: “لا يؤمن أحدكم حتى يحب لأخيه ما يحب لنفسه”.
*# كلمتين و رد غطاهم *
للناقد ال هدّام
- اياك و القتل بالكلام لانها من ابشع الجرائم .
- بلاش تقبل على غيرك اللي متقبلوش على نفسك .
- اشغل نفسك بنفسك .
- مُتلقي النقد ال بياخد الكلام ؛*
- عندك اُذنان عشان تسمع بواحدة و تفلتر و تخرج ال يضايقك من التانيه .
- بلاش يفرق معاك غير نفسك و نجاحك و لو اختيارك مش مناسب ليك غيره و متفكرش مين هيقول اي عليك .
- و اخيراً اوعى تيجي على نفسك عشان تثبت لاي شخص اي شيئ و تكون جواك بتقاوم و النتيجة انك بتكون مضغوط و تعبان .
