في بعض الاحيان احتياجنا لطعام حلو المذاق يكون هو سبب في وفاتنا . ليه و ازاي ؟ وده اللي هنعرفه مع بعض في بعض الاحيان احتياجتنا العاطفية والنفسية في وقت الفــراغ بتؤدي لموتنا .
الشخصية التوكسيك <الســامة> تقدر تموتك من غير ما تشعر في الأول ، في الاول الحلوى تُظهر نفسها على طريقة افراز رائحتها الجميلة في انحاء مكانك لإغرائك علشان تروح لها ، في البداية يبدأ الموضوع بمعلقة واحدة من طبق الحلوى ثم معلقة اخرى ايه اللي هيحصل ؟ ، طب ملعقة كمان انا جعان ، معلقة كمان ودي غدائي النهاردة وخلاص اصل طعمها حلو اوي ، وهنا بتخلص الحلوى كلها ، وانت دلوقتي مبسوط وشبعان وحاسس بشعور حلو بس بعد شوية انت جوعت ثاني ! ويكثر في اثناء تلك الفترة العديد من المغريات لتجذبك لنهاية المطاف ! .
خليني اعرفك ايه هي صفات الشخصية التوكسيك علشان اول ما تشمها تبعد فورا لأنك عارف النتيجه في الاخر ايه اللي هيحصل لك .
شخص نرجسي مش بيحب حد غير نفسه شخص استغلالي سواء مادي او معنوي
شخص متلاعب، بيحط لك الجبنة الرومي علشان يصطادك بيشتكي كتير وواخذ دور الضحية بيفرض سيطرته عليك بخبث اناني طب ولو انا اصلا عارف و للأسف كنت ضحية علاقة سامة اعمل ايه ! انك تكسر دايرة العلاقات السامة دي حاجه مش سهله عليك وعلى صحتك النفسية وده قرار محتاج عزيمة و اصرار منك علشان تبطل تنجذب او حتى تبعد ، اول خطوة وهي المواجهة و الاعتراف :
بعد العلاقة السامة بنتوه في اسئلة زي هو الطرف الثاني كان سيء فعلا ؟ ولا انا السبب وانا السيء ؟ ، النوع من الاسئلة دي طبيعي بس المهم في المرحلة دي انك تــعــترف وتواجهه اللي حصل ونقول لنفسنا اني كنت في علاقة سامة وتتقبل الحقيقة دي بكل ألمها .
ثاني خطوة و هي قطع كل وسائل الاتصال اللي ما بيني وما بين الشخص ده بشكل تام بلاش توارب الباب معاه لو كان الشخص ده قريب مني على الوجهه الشخصي ابعد عنه مسافه امنه ثالث خطوة وهي تعبر عن مشاعرك مهم جدا تكون جنب ناس بتدعمك وتفهمك وتديك مساحة الادراك و العياط رابع خطوة التنقل من عقلية الضحية للناجية! يعني خذ وقتك في الزعل والتعبير عنه بس بعدين هنغير تفكيرنا وهنطلع من عقلية انا ضحية لعلاقة سامة ل ناجية من علاقة سامه واني قادره على التجاوز واني كده عرفت الفرق ما بين علاقه سامه وهعرف ادخل في علاقة صحية خامس خطوة التركيز على نفسك واهتماماتك و اشياءك المفضلة للأسف اثناء السم من العلاقه مش بتكون انت وبتنسى نفسك و الحاجات اللي بتحبها حاول تسترجعها وتصنع حاجات ثانيه تحبها و افتكر ان اللي بيبص ورا مش بيعرف يشوف اللي قدامه وبيفقد الحاضر والمستقبل هو قرارات من الحاضر ، اشفي نفسك واحميها
