ظهر البلوجر أدهم في فيديو على حسابه الشخصي على فيسبوك يكشف فيه تفاصيل واقعة التعدي الذي تعرض لها.
قال البلوجر أدهم سنجر: أنا مش من المنوفية شرف لي طبعًا بس أنا مش من هناك، أنا كنت لسه مخلص شغل وطالع بعربيتي ومعايا صديقي، وأنا ماشي لقيت حد ورايا عمال يزمر، لسه بوسّع له قام جاي زنق نفسه، ببص لقيته عمال يزعق، قلت أسيبه وماكلموش.
وأضاف: وصل لآخر الشارع ووقف بالعربية ونزل يصورني وهو عمال يشتم ويزعق، صاحبي كان متضايق وعمال يقول: ماله ننزل ونشوفه؟ قولت له لأ سيبه، وسيبته ومشيت، قام مشي ورايا وحك العربية من قدام، أنا كل ده مصوره.
وأضاف: الراجل فضل يشتم ويقولي: عربيتك مش عايزة تعديني، وعربيتك كركوبة، ولما شاف نمر المنوفية قعد يغلط في المنوفية وأهلها كلهم، وأنا كل ده مش عايز أعمل حاجة، بفتح الشباك بقوله: حبيبي حبيبي، قام مد إيده، قومت قافل الفيديو وقولت هتصل بالنجدة.
وأشار: ملحقتوش، ركب عربيته ولما حاولت أتتبعه ملحقتش، طلعت على القسم وعملت محضر ضده.
