ياسمين عز: عندنا أزمة في تغذية لاعبي المنتخب.. وخايفة فتوح يكون بيفطر على سيجارة وشاي
تحدثت الإعلامية ياسمين عز، عن إصابة اللاعب أحمد فتوح، في مباراة مصر وإيران في كأس العالم، بجانب تعليقها على جدل امتحاني الكيمياء والجغرافيا للثانوية العامة.
وقالت ياسمين عز، في مقدمة برنامجها كلام الناس: فتوح اتصاب في العضلة الخلفية، عندنا أزمة تغذية اللاعبين في المنتخب اللي مفيش أحسن ولا أوسم منهم، مش زي هالاند اللي شبه التتار، ولكني حاسة أن المنتخب عنده سوء تغذية إلا من رحم ربي، فتوح متحملش من قلة التغذية خايفة يكون بيفطر على سيجارة وكوباية شاي ويتغدى كشري في عيش.
ياسمين عز تتحدث عن امتحانات الثانوية العامة
كما علقت ياسمين عز، على جدل امتحاني مادتي الكيمياء والجغرافيا بالثانوية العامة، قائلة: ملاحظة أن بتوع الكيمياء منهارين ويتوع الجغرافيا بيشكروا الوزير، كلنا عارفين أن الكيمياء غدارة زي الرجالة، في حالات إغماء بسبب الامتحان أومال لما تتجوزي هتعملي إيه؟، ده امتحان كيمياء إيه يعني هتجيبي ملحق مش هتموتي.
وواصلت: الامتحان اللي بتصوتوا منه، الجغرافيا جاي بالنص من نماذج الوزارة، وإيه الصعب في السؤال عن كربونات الصوديوم؟ خلي كأس العالم ينفعك.. لازمتها إيه العياط بره اللجنة والمناظر اللي عاملينها دي؟.
أما عن انتظار الأمهات أمام المداس، فعلقت ياسمين عز: لو بتقفي لجوزك على باب الشغل أو السجن بعمود الأكل زي ما بتقفي لعيالك على باب المدارس مكنش حد اتطلق في مصر.
